လက်ရှိကျနော်တို့နိုင်ငံရဲ့ တစ်ရွေ့ရွေ့တိုးတက်နေတဲ့ စီးပွားရေးကို အရှိန်အဟုတ်ဖြင့်တိုးတက်အောင် ဆောင်ရွက်နိုင်ဖို့အတွက် ပညာရေးနဲ့ လယ်ယာစိုက်ပျိူးရေးကို ဖွံ့ဖြိုးတိုးတက်အောင်ဆောင်ရွက်သင့်ပါတယ်။ အရည်အချင်းပြည့်မီတဲ့ပညာတတ်တွေ လုပ်ငန်းပေါင်းစုံမှာဝင်ရောက်လုပ်ကိုင်လာတာနဲ့အမျှ အရင်းအမြစ်ပြုန်းတီးမှု့တွေကျဆင်းလာပြီး ကုန်စည်တွေကို ပိုမိုထုတ်လုပ်နိုင်မှာဖြစ်ပါတယ်။ ကျနော်တို့မြန်မာပြည်ဟာ စိုက်ပျိူးရေးလုပ်ငန်းကို အဓိကအားထားတဲ့နိုင်ငံတစ်ခုဖြစ်ပါတယ်။ လက်ရှိအချိန်မှာတော့ လယ်ယာလုပ်ငန်းမှာလုပ်ကိုင်နေသူအများစုဟာ မိမိတို့ရဲ့ထုတ်ကုန်တွေထုတ်လုပ်ရန် အသုံးစရိတ်က ကြီးမားပြီး ရောင်းချရာကနေရရှိတဲ့ ၀င်ငွေပမာဏဟာ နည်းပါးတဲ့အတွက် လယ်ယာလုပ်ငန်းမှာမလုပ်ကိုင်တော့ဘဲ ၀င်ငွေကောင်းမွန်တဲ့နိုင်ငံတွေကို ကြုံရာကျပန်း လုပ်ကိုင်ဖို့ ထွက်ခွာကြတယ်။ ဒီအတွက် တိုင်းပြည်ထုတ်ကုန်ဟာ တိုးတက်သင့်သလောက်မတိုးတက်တော့ပါဘူး။ ပြည်ပကိုထွက်ခွာလုပ်ကိုင်သူတွေရဲ့ ၀င်ငွေတွေ၊ အသုံးစရိတ်တွေ၊ ထုတ်ကုန်တွေကို တိုင်းပြည်ထုတ်ကုန်ထဲမှာထည့်သွင်းတွက်ချက်ခြင်းမရှိပါဘူး။ ဒီတော့ တိုင်းပြည်ရဲ့စီးပွားရေးဖွံ့ဖြိုးဖို့ဆိုရင် လယ်လုပ်သူတွေလယ်ပြန်လုပ်နိုင်အောင်၊လယ်ယာလုပ်ငန်းကထုတ်ကုန်တွေ တိုးတက်ထုတ်လုပ်နိုင်အောင် နည်းပညာ၊ လိုအပ်တဲ့အရင်းအနှီးကို အတိုးနှုန်းသက်သာစွာဖြင့်ထုတ်ပေးခြင်း၊ လယ်ယာထွက်ကုန်စည်များကို နိုင်ငံခြားတင်ဖို့နိုင်တဲ့အထိ အရည်အသွေးမှီအောင်လုပ်ဆောင်ပေးခြင်းအပြင် အစိုးရအနေနဲ့ လယ်ယာထွက်ကုန်ပစ္စည်းတွေရဲ့ဈေးနှုန်းတွေကိုပါ ထိန်းညှိကွပ်ကဲပေးသင့်တယ်လို့ယူဆမိပါတယ်။ ဈေးကွက်စီးပွားရေးစနစ်ဆိုတာ အစိုးရနဲ့ပုဂ္ဂလိက အကျိုးတူ ပူးပေါင်းဆောင်ရွက်တာကိုခေါ်ဆိုတာပါ။
No comments:
Post a Comment